SUDMINASA RENKONTIĜO DE ESPERANTO - SUMIRE

La 16-a Sudminasa Esperanto-Renkontiĝo okazos
en la 8-a de decembro 2024 en Poŭzalegro, MG.

Poŭzalegro estas urbo, kiu vere simpatias pri Esperanto, kun dulingvaj ŝildoj (EO kaj PT-BR) en diversaj lokoj, ĝi reflektas sian varman rilaton kun la internacia lingvo. Situanta en la suda parto de la subŝtato Minaso, la urbo estas grava regiona centro kun diversigita ekonomio kaj riĉa kulturo.

La renkontiĝo okazos en la Kultura Centro Cleonice Bonillo Fernandes (Urba Biblioteko), situanta ĉe Placo Senatano José Bento, 2, en la urbocentro.

Inter la plej vizitindaj kaj turismaj allogaĵoj estas:

• Metropolitana Katedralo: Grandega historia konstruaĵo, unu el la plej gravaj simboloj de la urbo.
• Placo Senador José Bento: La koro de Poŭzalegro, kie okazas kulturaj eventoj kaj homoj kunvenas por ripozi kaj amuziĝi.
• Urba kaj Historia Muzeo Tuany Toledo: Loko kiu konservas la historion kaj memoron de la regiono.
• Monto de Kristo: Kie staras la granda statuo de Kristo la Savanto (unu el la plej grandaj de Brazilo), ofertante mirindan panoraman vidon de la urbo.
• NaturUrba Parko: Verda areo ideala por promenadoj kaj rekta kontakto kun la naturo.
• Preĝejo de la Rozario: Unu el la plej malnovaj preĝejoj en la urbo, riĉa je arkitekturo kaj historio.

Krome, Poŭzalegro estas konata pro sia Minasa gastronomio, kun tipaj restoracioj kiuj ofertas la plej bonan el la loka kuirarto. La urbo ankaŭ havas modernajn komercajn centrojn kaj hotelan reton pretajn por gastigi vizitantojn kun komforto kaj kvalito.

La ĉeesto de Esperanto-informŝildoj en diversaj lokoj de la urbo montras la engaĝiĝon de Poŭzalegro al la disvastigo de la internacia lingvo, igante ĝin ideala loko por gastigi nian regionan renkontiĝon.

Venu partopreni ĉi tiun specialan eventon kaj kontribuu al la kreskiĝo de la Esperanta movado en nia regiono. Ni atendas vin!

Aliĝu nun! mallonge.net/sumire