LA MALBONO NENIAM ESTIS TIOM ALLOGA
Oni ofte diras, ke filmoj pri la Diablo estas malbenitaj kun malbonŝanco, sed “Incubus” de Leslie Stevens eble estas la plej malbenita el ĉiuj. Antaŭ ĝia premiero en 1966, du el ĝiaj steluloj tragike sin mortigis; la ekscentra reĝisoro insistis filmi en la rara lingvo Esperanto, kio kaŭzis ke la filmo ne ricevis distribuadon; kaj ĝi preskaŭ perdiĝis por ĉiam kiam la originaj elementoj estis supozataj esti detruitaj en incendio. Jardekoj pasis ĝis ĝi fine estis savita kaj malkaŝita al la publiko en sia tuta diabla gloro!
Vundita en batalo, soldato Marc (William Shatner, tuj antaŭ ol esti elektita en “Star Trek”) iras al la fora vilaĝo Nomen Tuum por trovi puton, kie la akvo laŭdire estas benita per kuracaj potencoj. Li tute ne suspektas, ke la loĝantoj de Nomen Tuum estas demonaj tentantinoj, kiuj logas eksterulojn kaj kondukas ilin al damno, kaj unu tia sukubo, Kia (Allyson Ames), metas sian okulon sur Marc. Kiam eklipso kovras la sunon kaj mallumo falas super la vilaĝo, la rilato inter Marc kaj Kia iĝas pli pasia… Ĉu lia animo postvivos?
Nun restaŭrita en 4K el la lasta konata postvivinta 35mm kopio, ĉi tiu maltrankviliga kaj neforgesebla usona popola hororo de la kreinto de “The Outer Limits” postvivas por timigi novan generacion, kiel neniam antaŭe. Stile filmita en Big Sur kaj aliaj lokoj en Kalifornio de la kino-artisto (kaj estonta Akademia Premio-gajninto) Conrad L. Hall, “Incubus” estas filmo malsimila al iu ajn alia, nun akompanata de horoj da aldonaj materialoj esplorantaj la misterojn de ĉi tiu iam perdite pensata kultura klasikaĵo.
LIMIGITA ELDONO – 4K ALTDISTINGIVA ENHAVO
4K riparita el la lasta postvivanta 35mm kopio de Le Chat Qui Fume.
4K (2160p) Ultra HD Blu-ray prezentado en Dolby Vision (HDR10 kongrua).
Origina senperda Esperanta sono.
Eblaj anglaj subtekstoj.
Eblaj Esperantaj subtekstoj por surduloj.
Nova sonkomentario de verkisto kaj ĝenra historiisto David J. Schow, aŭtoro de “The Outer Limits: The Official Companion”.
Arkiva sonkomentario de stelulo William Shatner.
Arkiva sonkomentario de produktanto Anthony Taylor, kinoartisto Conrad L. Hall kaj kameraisto William Fraker.
Alternativa 1.37:1 prezentado de la filmo (nur 1080p).
“Vortoj kaj Mondoj: Incubus kaj Esperanto en Kino”, nova intervjuo kun ĝenra historiisto Stephen Bissette.
“Internacia Lingvo: Historio de Esperanto”, nova intervjuo kun Esther Schor, aŭtorino de “Bridge of Words: Esperanto and the Dream of a Universal Language”.
“Intervjuo kun la Kreintoj de Incubus”, arkiva intervjuo de Schow kun Taylor, Hall kaj Fraker.
Videotrejlero.
Reigebla kovraĵo kun nove mendiĉita artaĵo fare de Richard Wells.
Ilustrita kolektista broŝuro kun nova skribo pri la filmo de Frank Collins kaj Jason Kruppa.
Detaloj: Streko-kodo: 5027035027319
Kataloga numero: FCD2561
Formato: UHD UK eldono dato: 13/01/2025
Ĝenro: Hororo Regiona kodado: A/B
Daŭro: 74 MIN
Diskoj: 1 Proporcio: 1.85:1 / 1.37:1
Aŭdio: Mono 1.0
Koloro: Nigra & Blanka
Reĝisoroj: Leslie Stevens
Geaktoroj: William Shatner, Allyson Ames, Eloise Hardt
Lingvo: Esperanto
Subtekstoj: Angla / Esperanta SDH
Klasifiko: 15
Tradukite el la angla per Everton Linhares.
Originala teksto: //mybloodyreviews.com/incubus-on-limited-edition-4k-uhd-out-on-13th-january-2025/