En noviga paŝo por la multlingvisma promocio, Poŭzalegro nun gastigas la unuan hamburgerejon en la mondo kun ĉiuj informŝildoj en la portugala kaj Esperanto. Fat Burguer (Dika Hamburgero), ne nur ofertas bongustajn hamburgerojn, sed ankaŭ elstaras pro sia kultura kontribuo disvastigante la internacian lingvon.
Tiu ĉi iniciato estas parto de projekto de la Esperanta Ambasadejo, kiu celas disvastigi la uzadon de Esperanto en publikaj kaj privataj spacoj en la urbo kaj iom post iom Esperantigi la urbon.
Fat Burguer aliĝas al aliaj komercejoj de la urbo, kiuj jam adoptis dulingvajn signojn, kiel la libraj brokantejoj Sebo Vicente kaj Sebo São Darwin, plifortigante la rolon de Poŭzalegro kiel centro de kultura diverseco.
La iniciato ne nur fortigas la Esperantistan komunumon, sed ankaŭ malfermas pordojn por ke homoj el diversaj kulturoj sin sentu bonvenaj kaj inkluzivaj en la urbo. La ĉeesto de Esperanto en lokoj kiel Fat Burguer estas memorigilo, ke la lingvo povas servi kiel ponto inter malsamaj popoloj, faciligante la komunikadon.
La agado de Esperanta Ambasadejo en Poŭzalegro daŭre inspiras aliajn komercistojn kaj urbojn adopti similajn praktikojn, plifortigante la engaĝiĝon al edukado kaj kultura kompreno en socio ĉiam pli tutmondiĝanta.
Sekvu kaj apogu tiujn kiuj apogas nian laboron!
@fat_burguer01
@sebo_sao_darwin
@sebovicente
@lpadesivospa
@renoveadesivo